Ko tētahi o ngā hua nui o te mahi Pēke Kā, ka āta tirohia ngā tamariki ki ngā āhuatanga katoa o te mahi moni, arā, ko te pēke pūtea tēnā, ko te penapena pūtea tēnā. Ko te nuinga o ngā tamariki, kāore anō kia kite i te āhua o tētahi pēke pūtea. Na reira he kaupapa nui tēnei kia matatau ai ngā tauira ki te mahi moni – i mua tonu mai i tō rātou pakeketanga!

I te tīmatanga i whakatūria mātou i ētahi tikanga whakahāere e pā ana ki a Pēke Kā. I kōrero tahi te karaehe mo te āhuatanga o ngā tūranga mahi e whiwhi pūtea i roto i a Pēke Kā. Hohonu rawa ngā kōrero me ngā whakaaro o ngā tauira e pā ana ki te āhuatanga o te mahi me te whiwhi pūtea.

I whakatūwhera tēnei akoranga kia whakaaroaro ngā tauira i te kōrero “he kai kei aku ringa”.

I whakaaro nui ai rātou “mā te aha āhau e whiwhi pūtea? He aha aku pūkenga ka tāea te whakamahi kia whiwhi moni anō? Ko tētahi o ngā tauira i hokona atu i ētahi pūrakau. Ko tētahi i hanga ētahi pānui kara (banners) mō Youtube. Ko tētahi i rēti ia i tōna īPapa. Ka whai whakaaro ai rātou, māku anō e whakaora i āhau. Mā aku ringa, mā taku roro, ka tāea te whiwhi pūtea. He akoranga nui tēnā mō mātou.

Mā Pēke Kā ka whai wāhi anō aku tauira ki ngā akoranga tūturu mō tēnei ao, he māmā noa iho te whakatō i ēnei akoranga ki ngā mahi o te karaehe. Me te mea nei ka hāngai a Pēke Kā ki te ao tūturu, arā, me whai mahi, me whai pūtea, ā, me tiaki anō i te pūtea hei utu i ngā āhuatanga me pupuri e te tangata, pērā i te rēti whare, te hiko, te hoko kai, me te waea. Ko tana hāngai ki te ao tūturu tana hua nui.

Ki te hapa te tamaiti, ki te ako anō i roto i tētahi wheako ahumoni e āta tiakina ana, ka kore pea e hapa kia pakeke rawa mai.