Nā te whakamahi i a Pēke Kā ki roto i te karaehe, kua mātau hāere ngā tauira i ngā kupu ahumoni, pērā i te moni tārewa, te utu aūnoa me te tohu kōnae.

Ka āta wānanga ai tō mātou karaehe i te tikanga o ēnei kupu. Me te mea nei, i ētahi wā he rerekē ngā whakaaro tō tēnā tō tēnā. Kō ētahi o ngā tauira he hē rawa atu te whiwhi moni tārewa. Kō ētahi he pai tonu mēnā ka tāea te utu ia wiki ia wiki. Mā te taupatupatu me te tohe, ā waenganui i a rātou anō, kā puta te maramatanga e pā ki ēnei kaupapa ahumoni kei roto i a Pēke Kā.

Kua kite anō mātou i ngā hua o te rauemi nei i te wā ka whakarangatira ai ngā tauira ki te whakarite i ngā āhuatanga whakahāere o Pēke Kā. Nā rātou i whakarite ngā mahi moni o te karaehe. Nā rātou i whakatau te utu mō ia tūranga mahi. Nā rātou i whakatau mēnā ka utungia te kaimahi ia wiki, ia rua wiki, ia marama rānei. He rautaki pai tēnei kia hoatu te rākau ki ngā tauira hei whakahāere i te kaupapa nei. Mā rātiou e wānanga kōtahi, e rangahau kōtahi, e whakatau kōtahi i a rātou anō. Autaia te tū o ngā tauira i roto i tō rātou rangatiratanga.

Ka puawai anō te whakatoi, te tutetute, te raweke tā ētahi. Kei ia karaehe tōnā ake Maui. Ko tētahi i kii mai, Kōkā, he maumau tāima te moni-a-hiko, ka tāea te whakawhiti mō te moni tūturu? Taku kii atu, e kao. Engari ka tāea te whakarite tētahi mākete i te mutunga o ia wāhanga kura. Mā tēnā ka tāea ngā tauira te tono atu ki te mākete Pēke Kā hei hoko i etahi taonga tuturu rawa. Me taku kii atu ki nga tauira, he whakataetae te mākete. Mēnā he nui ōu moni, ōu penapena pūtea, ka tāea te whakarahi ake tō tono mō ngā taonga mīharo rawa. He mea pai tēnei kia whakapoapoa i ngā tauira, kia kamakama ai rātou ki te whakamahi, te penapena i o rātou moni ki a Pēke Kā.